2025 жылы қаңтарда ЖББ Шахта жаратылыстану және математика бірлестігі мұғалімдері арасында
2025 жылы қаңтарда ЖББ Шахта жаратылыстану және математика бірлестігі мұғалімдері арасында “Біліктілік арттыру курстар мен семинарларға қатысқан мұғалімдермен кері байланыс” атты семинар өтті. Семинар жаратылыстану және математика бірлестікке жеке өткізілді. Бірлестіктегі мұғалімдер «Отпан» жобасы бойынша ұйымдастырылған күзгі курс, семинарлардан алған білімдерімен бөлісті. Джумадиева Шолпан физика пәні мұғалімі "Бағалау құралдарын құрастыру және сараптама жасау " курсында тапсырманың психометрикалық қасиеттерімен таныстырып, талдау жұмыстарын жүргізді. Тапсырмалардың валидтілігі ,сенімділігі және объективтілігі бойынша ашық типті тапсырмаларды құрастырудың тиімді жолдарымен таныстырды. Толық жауапты қажет ететін тапсырмаларда нұсқау қарапайым, дәл және ықшам болуы керек. Курс барысында бөлім бойынша және тоқсандық жиынтық бағалауды құрастыруда негізгі алгоритм және спецификасы бойынша құрастырылуы маңызды болып табылатынын айтып өтті. Төлебай Гүлнұр химия пәні мұғалімі «Химия сабақтарында жаратылыстану сауаттылығын дамытуға арналған тапсырмалардың мысалдары» курсында қазіргі білім беру жүйесінде оқушылардың функционалдық сауаттылығын, соның ішінде жаратылыстану сауаттылығын дамыту негізгі міндеттердің бірі болып табылатынын айтып өтті. Жаратылыстану сауаттылығы – оқушылардың жаратылыстану ғылымдарына қатысты білімді өмірде қолдана алуы, ғылыми мәселелерді анықтап, зерттеу және негізделген шешім қабылдау қабілеті. Химия пәні бұл сауаттылықты қалыптастыруда маңызды рөл атқарады, себебі химия – өмірмен тікелей байланысты пәндердің бірі. Кудиярова Акнур информатика пәні мұғалімі “Мектептегі информатика сабағы:басымдықтар және жетілдіру стратегиялары” курсында пән бойынша сыныптардағы бағдарламалар және ҚМЖ құруда “СМАРТ” әдісін қолданудың тиімділігін айтты. Әдістің анықтамасы, артықшылығы, мақсатқа жету жолдары түсіндірілді. Қасмағанбетова Гәкку математика пәнінің мұғалімі «Бағалау құралдарын құрастыру және сараптама жасау» курсында тапсырманың психометрикалық қасиеттерімен, критериалды бағалау жүйесі, тапсырма типтерімен талдау жұмыстары жүргізілді. Курс барысында бөлім бойынша және тоқсандық жиынтық бағалау құрастыру және сараптама жасау, бағалау спецификациясының құрылымы маңызды болып табылатынын айтып өтті. Семинар соңында әріптес мұғалімдер өз сабақ процесінде жаратылыстану сауаттылығын қалыптастыру бойынша пайдаланып жүрген әдіс-тәсілдерімен бөлісті. «Озат тәжірибе – ортақ іс» дегендей, бұл семинар алдағы уақыттада жалғасын таппақ.
